एम्स कलेज धरान: फरक सोच, गुणस्तरीय शिक्षाको गन्तव्य

धरान । धरान उपमहानगरपालिका–१२ स्थित चतरालाईनमा अवस्थित एम्स कलेज धरान पछिल्ला वर्षहरूमा उच्च माध्यमिक तहका विद्यार्थीहरूका लागि विश्वासिलो गन्तव्य बन्दै गएको छ। कक्षा ११ र १२ मा मात्र केन्द्रित यो कलेजले शिक्षामा विशिष्टता र व्यवहारिकता जोड दिँदै धरानको शैक्षिक क्षेत्रमा अलग पहिचान बनाएको छ।

कक्षा ११–१२ का लागि मात्र: केन्द्रित र प्रतिबद्ध शिक्षण

अन्य कलेजहरूको तुलनामा एम्स कलेज विशिष्ट छ— किनभने यहाँ केवल प्लस टू तहको शिक्षामा मात्र केन्द्रीकरण गरिएको छ। यही कारणले गर्दा विद्यार्थीहरूको आवश्यकतालाई राम्रोसँग बुझेर अध्यापन गर्न सकिएको छ। विगत तीन वर्षको नतिजा हेर्दा पनि स्पष्ट हुन्छ—एम्स कलेज पोहोर दोस्रो, अघिल्लो वर्ष प्रथम, र यस वर्ष पुनः प्रथम स्थानमा रहन सफल भएको छ।

अनुभवी टिम, आधुनिक पूर्वाधार

कलेजमा साइन्स, म्यानेजमेन्ट, कम्प्युटर साइन्स, होटल/हस्पिटालिटी म्यानेजमेन्ट, ह्युमानिटिज लगायतका संकायहरू उपलब्ध छन्। विद्यार्थीको रुचि र भविष्यलाई ध्यानमा राखी कलेजले विकल्पसहितको विषय छनोटको अवसर दिन्छ।

साथै, यहाँका कक्षाहरू स्मार्ट क्लासरूम, प्रयोगात्मक ल्याब, पुस्तकालय, कम्प्युटर ल्याब, र ई–लर्निङ सुविधाले सुसज्जित छन्। शिक्षण शैली अनुसन्धान–मुखी, प्रयोग–आधारित र विद्यार्थी–मैत्री छ।

विद्यार्थीमैत्री वातावरण: पढाइसँगै पारिवारिक माया

कलेजका प्रिन्सिपल सन्तोष कोइरालाका अनुसार, एम्स कलेज केवल पढाउने संस्था होइन, शिक्षा र मानवीय सम्बन्धको संगम हो। “हामी विद्यार्थीलाई हरेक बिहान स्वागत गर्छौं, साँझ बिदाई गर्छौं,” प्रिन्सिपल कोइरालाले भन्नुभयो, “प्रत्येक विद्यार्थीको मानसिक अवस्था, पारिवारिक पृष्ठभूमि र व्यक्तिगत आवश्यकता बुझेर शिक्षा दिइन्छ।”

यसै कारण, यहाँ विद्यार्थीको केवल शैक्षिक उन्नति होइन, व्यक्तित्व विकास र सामाजिक चेतनाको विकास समेत प्राथमिकतामा राखिएको छ।

हस्पिटालिटी म्यानेजमेन्टः नयाँ विषय, नयाँ अवसर

यस शैक्षिक सत्रदेखि एम्स कलेजले हस्पिटालिटी म्यानेजमेन्ट विषय सुरु गरेको छ, जुन होटल म्यानेजमेन्टसँग सम्बन्धित फ्रन्ट डेस्क, कस्टमर डिलिङ, सेवा व्यवस्थापन लगायतका व्यवहारिक पक्षमा केन्द्रित छ। यस्तो विषयले विद्यार्थीलाई वैदेशिक रोजगार, सेवा क्षेत्र, पर्यटन व्यवसाय जस्ता क्षेत्रमा सजिलै अवसर दिलाउन मद्दत गर्नेछ।

छात्रवृत्ति योजना र इन्ट्रान्स अवसर

कलेजले इन्ट्रान्स टपर्सलाई पूर्ण छात्रवृत्ति, तथा एम्स एसईई रन प्रतियोगिताका टप १० मा परेकाहरूलाई विशेष छुट उपलब्ध गराउँदैछ। छात्रवृत्तिको व्यवस्था केवल प्रतिभावानका लागि मात्र होइन, सामाजिक–आर्थिक अवस्था अनुसार पनि लचिलो शुल्क संरचना तय गरिएको छ।

धरानमै उत्कृष्ट शिक्षा: महँगा कलेजको विकल्प

“कम शुल्कमा पनि गुणस्तरीय शिक्षा पाउन सकिन्छ भन्ने उदाहरण एम्स कलेज हो,” प्रिन्सिपल कोइरालाको स्पष्ट सन्देश छ। विद्यार्थीले चाहेअनुसारको विषय, उपयुक्त वातावरण, र अनुभवी शिक्षक टिम एम्समा पाउँछन्, जुन देश वा विदेशको महँगो शिक्षाको उत्कृष्ट विकल्प बन्न सक्छ।