धरान  । मोरङको ग्रामथान गाउँपालिमा लामो समय देखी वाँसघारी भित्र टहरामा सञ्चालन हुँदै आएको  अवैध जुवा खालमा प्रहरीले शनिवार राति छापा हानेको छ । मोरङको ग्रामथान गाउँपालिका–४ कटहरमा स्थित वाँसघारी भित्र टहरामा सञ्चालन हुँदै आएको  अवैध जुवा खाल वाट प्रहरी पूर्व गाउँपालिका अध्यक्ष सहित ९ जनालाई प्रहरीले जुवा खालबाट पक्राउ गरेको हो  ।   मोरङको ग्रामथान गाउँपालिका –४ वाट  ग्रामथान गाउँपालिका अध्यक्ष शिवनारायण माझी सहित ९ जनालाई  प्रहरीले पक्राउ गरेको हो । वास घारी भित्र बनाइएको टहरामा  जुवा खेलिरहेको अवस्थामा १८ लाख ५१हजार ५ सय  नगद  मरामत गरेको  छ । ।  पक्राउ पर्नेहरूमा अभिलाल माझी,जय किशोर शाह,जनककुमार मास्के,महेश शाह,युवक राई ,रित वर्ण नेम्बाङ , लोकनाथ सापकोटा र प्रताप राई रहेका छन् ।  प्रहरीले छापा मारेपछि जुवा खेलाउने मुख्य योजना कार  अर्जुन तुम्रोक सहित धरानका २  जना  भने   फरार रहेका छन् ।  उनीहरूको खोजी  भइरहेको प्रहरीले जनाएको छ ।  प्रहरी जुवा खाल वाट जुवाडेहरूले प्रयोग गरेका  बा प्र.०१–०२०च९७३७, बा१५च ६७३०, बा १५ च ७२८१, बा१८च३७०२, बा‘‘ ४८५०, बा१ज ५९१६, बा१८च४५६५ नं को गाडी समेत नियन्त्रणमा लिएको छ । बा प्र.०१–०२०च९७३७, गाडी भने  अर्जुन तुम्रोक रहेको र सो गाडी छोड्न प्रहरीलाई विभिन्न क्षेत्रबाट दबाब  आइरहेको  प्रहरी स्रोतले जनाएको छ । प्रहरीले  १६ थान कौडा, १२ बुक तास, पैसा राख्न प्रयोग गरिने काठको बाकस, झोला, १५ वटा मोबाइललगायत  कोैडा समेत बरामद गरेको छ ।  सो स्थानमा प्रहरीकै सेटिङमा बाह्रमास सञ्चालन हुने  खालमा मधेस प्रदेशको महोत्तरी, कोसी प्रदेशकै धरान, दमक, दुहबीलगायतका स्थानमा घर भएकाहरू पनि जुवा खेल्न पुग्ने गरेको स्थानीयले जनाएका छन्  ।  सो  बाह्रमासे’ खालमा करोडौँको कारोबार हुने गरेको   थियो ।   इलाका प्रहरी कार्यालय हरैँचा तथा बेलबारी, जिल्ला प्रहरी कार्यालय मोरङ र कोसी प्रदेश प्रहरी कार्यालय विराटनगरबाट खटिएको संयुक्त टोलीले जुवा खालमा छापा हानेको थियो ।