धरान । धरान उपमहानगरपालिका–१२ मा अवस्थित सुनाखरी एकेडेमी पछिल्लो समय पूर्वी नेपालको शिक्षा क्षेत्रमा नयाँ विश्वास र सम्भावनाको प्रतीक बन्दै गएको छ। शिक्षाको मूल आधारलाई ‘शिक्षा, अनुशासन र नैतिकता’मा केन्द्रित राखेर अघि बढिरहेको यस संस्थाले बालकक्षादेखि कक्षा १० सम्मका विद्यार्थीलाई गुणस्तरीय र विद्यार्थी–मैत्री वातावरणमा शिक्षा दिँदै आएको छ।

छोटो समयमै विद्यालयले एसइई परीक्षामा १०० प्रतिशत नतिजा ल्याउनु यसको प्रभावशाली प्रगतिशीलताको प्रमाण हो। विद्यालयका प्रिन्सिपल मिलन कुमार राईका अनुसार यो सफलता विद्यार्थीको मेहनत, शिक्षकको समर्पण र अभिभावकको सक्रिय सहयोगको संयुक्त परिणाम हो।

‘विज्ञापनको होइन, यथार्थको आधारमा रोजौं’

प्रिन्सिपल राईका भनाइ अनुसार, वर्तमान समयमा केही शैक्षिक संस्थाहरूले केवल प्रचारमुखी शैलीमा विद्यार्थीलाई आकषिर्त गर्ने प्रवृत्तिले भ्रम सिर्जना भइरहेको छ। उनले अभिभावक र विद्यार्थीलाई 'यथार्थ बुझेर कलेज रोज्नुस्, केवल विज्ञापन हेरेर होइन' भन्ने स्पष्ट सन्देश दिएका छन्। “आजको इन्टरनेटको युगमा हरेक विषय र त्यसको सम्भावना बुझ्न सजिलो भएको छ, त्यसैले अध्ययनभन्दा अघि अनुसन्धान गरौं,” भन्ने उनको आग्रह हो।

अतिरिक्त कक्षा र जिम्मेवार शिक्षण शैली

विद्यालयले अध्ययनमा कमजोर विद्यार्थीहरूलाई सुरुदेखि नै विशेष कक्षाहरूको व्यवस्था गर्दै आएको छ। वैशाखदेखि नै अतिरिक्त कक्षा सञ्चालन गरेर शिक्षकले विद्यार्थीको कमजोरी पहिचान गर्दै सुधारको अवसर दिने प्रणाली प्रभावकारी देखिएको छ। यही व्यवस्थाको परिणाम हो— सम्पूर्ण विद्यार्थीको उत्तीर्णता।

साथै, विद्यालयले २५–३० विद्यार्थी मात्रको सीमित भर्ना नीति अवलम्बन गरेको छ जसले शिक्षकलाई प्रत्येक विद्यार्थीप्रति गहिरो ध्यान दिन सक्ने बनाउँछ।

सामाजिक उत्तरदायित्व र अतिरिक्त गतिविधिहरू

सुनाखरी एकेडेमीले शिक्षा बाहेक खेलकुद, सांस्कृतिक कार्यक्रम, स्वास्थ्य शिविर, सामाजिक कार्यहरू जस्ता विविध कार्यक्रम सञ्चालन गर्दै विद्यार्थीको बहुआयामिक विकासमा जोड दिएको छ। “हामी नानीहरूलाई केवल किताबी ज्ञान दिन चाहँदैनौं, उनीहरूमा समाजप्रतिको जिम्मेवारी र व्यवहारिक बुझाइ विकास गरिरहेका छौं,” राई बताउँछन्।

+२ तहको अध्ययन र स्पष्ट मार्गदर्शन

विद्यालयमा हाल कक्षा ११ र १२ का लागि होटल म्यानेजमेन्ट, कम्प्युटर साइन्स, र म्यानेजमेन्ट संकायहरू सञ्चालनमा छन्। तर, विद्यालयले स्पष्ट रुपमा बुझाएको छ कि होटल म्यानेजमेन्ट वा कम्प्युटर साइन्स कुनै एक सब्जेक्टमात्र हो, पूर्ण कार्यक्रम होइन। “हामी भ्रम फैलाउँदैनौं, अभिभावकलाई बोलाएर सम्पूर्ण पाठ्यक्रमको यथार्थ बुझाउँछौं,” राईको भनाइ छ।

छात्रवृत्ति र शुल्कको पहुँच

सुनाखरी एकेडेमीले A+ ल्याउने विद्यार्थीहरूलाई छात्रवृत्ति, साथै इन्ट्रान्स परीक्षामा टप गर्नेहरूलाई ८०% देखि १००% छुटसम्मको व्यवस्था राखेको छ। साथै, विद्यालयको शुल्क संरचना पनि सहज र अभिभावक–मैत्री राखिएको बताइएको छ।

विद्यालयको पूर्व विद्यार्थीको उचाइ

सुनाखरी एकेडेमीमा अध्ययन गरेका धेरै विद्यार्थीहरू विदेश अध्ययन, सुरक्षाकर्मी, खेलकुद क्षेत्रमा रोजगारी, बैंकिङ तथा मेडिकल क्षेत्रमा सफलता हासिल गरिरहेका छन्। यसले विद्यालयको दीर्घकालीन प्रभावलाई पुष्टि गर्छ।

शिक्षामा राज्यको भूमिका

विद्यालयको सफलतालाई अझ मजबुत बनाउनेतर्फ राज्य, स्थानीय निकाय तथा शिक्षा नीतिनिर्माताहरूले समेत भूमिका खेल्नुपर्ने कुरामा प्रधानाध्यापक राईले जोड दिएका छन्। शिक्षकलाई समयअनुसार प्रशिक्षण, विद्यालयलाई सहज अनुदान र नीति सहयोग, तथा अभिभावकको सक्रिय सहभागिताबाट मात्र शिक्षा क्षेत्रको गुणस्तर अझ माथि उठ्न सक्ने धारणा राखिएको छ।

सुनाखरी एकेडेमी केवल शिक्षालय मात्र होइन, भविष्य निर्माणको आधार हो भन्ने भावनासहित सञ्चालनमा छ। यहाँको प्रतिबद्धता, कार्यपद्धति, र परिणामले यो विद्यालय धरानमै होइन, पूरै प्रदेशमा एक उदाहरणीय शैक्षिक संस्थाको रूपमा उभिने संकेत देखाएको छ।

एसईईमा सफलता हासिल गरेका सम्पूर्ण विद्यार्थीहरूलाई बधाई दिँदै विद्यालयका  प्रिन्सिपल मिलन कुमार राई  भन्छन् –

“आउनुहोस्, सुनाखरीमा — हामी तपाईंको भविष्य बनाउन समर्पित छौं।”