वीपी प्रनिष्ठान अगाडी सञ्चालनमा रहेका सबै पोलिक्लिनिक तथा डाइनोष्टिक सेन्टरहरु अवैध ( फार्मेसीकाे लिष्ट सहित)

_{अबैध औषधी पसलेहरुको भागा-भाग}

धरान ः स्वाथ्य जस्तो संवेदनशिल क्षेत्रमा सञ्चालनहूने अस्पताल , पोलिक्लिनिक र औषधी पसल सरकारले तोकेको मापदण्ड पुरा गरेर सञ्चालन हुन पर्छ । तर नियमकनिकायले ध्यान नदिदा धरान स्थित वीपी कोइराला स्वास्थ्य विज्ञान प्रतिष्ठानको गेट वाहिर अनुमित विनाका पोलिक्लिनिक छ्याप्छ्प्ती छन् । पोलिक्लिनिकमात्र होइन औषधी पसलहरुले समेत अनुमनि विना सञ्चालनमा छन् । त्यस्ता औषधी पसलमा फार्मेसीको ज्ञान नभएकाहरुले औषधी समेत बिक्री गर्दै आएका छन् । नियामक निकायले अनुगमन गर्न आउदा पसल बन्द गरेर उनिहरुको भागा भाग हुन्छ । प्रतिष्ठानको गेट वाहिर सञ्चालनमा रहेको सबै पोलिक्लिनिकहरु अवैध रुपमा सञ्चालन भइरहेका छन् । पोलिक्लिनिक सगै फार्मेसीहरु समेत अवैध रुपमा सञ्चालनमा रहेका छन् । कतिपय फार्मेसीहरुमा त अनाधिकृत व्यक्तिहरुले औषधी समेत विक्री गर्ने गरेको जनस्वास्थ्य कार्यालय सुनसरीका फार्मेसी सुपरभाइजर अशोक शाले वताए । अधिकांश औैषधी पसलहरुले त औषधीहरु तोकिएको भन्दा धेरै मुल्य लिएर बिक्रि गर्ने गरेको शाहले जानकारी दिए । पोलिक्लिन तथा फार्मेसीहरु आधिकारीक रुपमा दर्ता नगरि तथा केहीले दर्ता गरे पनि नविकरण नगरी सञ्चालन समेत गरिरहेको जिल्ला जनस्वास्थ्य कार्यलय सुनसरीका जनस्वाथ्य निरिक्षक पर्शुराम शाहले वताए । उनले ५० प्रतिशत भन्दा धेरै फार्मेसीमा अनाधिकृत व्यक्ति राखेर औषधी विक्री गर्ने गरेको जनकारी दिए । प्रतिष्ठानको गेटमा सञ्चालनमा रहेको दिव्यम् डाइनोष्टिक सेन्टर र माता पाथिभरा मेडिकल सेन्टर त कहि पनि दर्ता नगरी अनुमति विना अवैध रुपमा सञ्चालन गरिरेको धरान उपमहानगर पालिकाका जनस्वास्थ्य निरिक्षक विजयकुमार साहले वताए । उनका अनुसार प्रतिष्ठान बाहिर रहेका सुनसरी प्याथोलोजी ल्याब, पाँचकन्या पोलिक्लिनिक र सुनकोशी डाइनोष्टिक , टाटा डाइनोष्टिक सेन्टर , सप्तकोशी डाइनोष्टिक सेन्टर अवैध रुपमा सञ्चालनमा रहेका छन् । उनिहरुले ७३ सालमा दर्ता गरे पनि त्यसपछि नविकरण गरेका छैनन भने सेवा थप गरेको भए पनि अनुमति भने नलिएको ले कारबाहीको लागी सिफारिस गरिएको साहले वताए । अनुमति नलिइ फार्मेसी तथा पोलिक्लिनिकहरुको अवैधमा सञ्चालन भइरहेको सुचनाको आधारमा जिल्ला प्रशासन कार्यलयको नेतृत्वोको अनुगमन टोली पुग्दा कतिपय व्यवसायीहरु पसल बन्द गरेर भागेका थिए । जिल्ला प्रशासन कार्यालयका प्रशासकीय अधिकृत केशव खतिवडाको नेतृत्वमा प्रतिष्ठानको गेट अगाडी टोली पुग्दा अवैध रुपमा सञ्चालनमा रहेका फार्मेसीहरु बन्द गरेर व्यवसायहरु भागेका थिए । कानुन विपरित सञ्चालन भएका फार्मेसी तथा पोलिक्लिनीकहरुलाई कारबाही गरिने उनले वताए । ‘हामी आउदा बन्द गरेर भागे पनि उनिहरु भागिदार हुनुपर्छ ’ उनले भने ‘अहिले भागे पनि कानुनको दायरावाट कोही भाग्न सक्दैन । ’ टोलीले ५८ वटाको अनुगमन गरेको थियो भने अन्य अधिकांश अनुगमन टोली आएपछि बन्द गरेर भागेका थिए । गृह मन्त्रालय निर्देशनमा जिल्ला प्रशासन कार्यलयले सुनसरीका १२ वटै स्थानिय तहमा अनुगमनलाई तिव्रता दिइरहेको छ ।

ऋवैधरुपमा सञ्चालनमा रहेका पोलिक्लिनिक तथा डाइनोष्टिक सेन्टरहरु

दिव्यम् डाइनोष्टिक सेन्टर

सुनसरी प्याथोलोजी ल्याब,

पाँचकन्या पोलिक्लिनिक

सुनकोशी डाइनोष्टिक ,

टाटा डाइनोष्टिक सेन्टर

सप्तकोशी डाइनोष्टिक

ऋवैधरुपमा सञ्चालनमा रहेका औषधी पसलहरु

हरी ॐ मेडिको

पाथिभार मेडिकलहल

सुनकोशी फार्मेसी

प्रतिन फार्मेसी