धरान । मोरङ र सुनसरीबाट लागुऔषध सहित १२ जनालाई प्रहरीले पक्राउ गरेको छ ।
सुनसरी धरान र माेरङका विभिन्न स्थानवाट प्रहरीले भारीमात्रामा लागुऔषध सहित १२ जनालाइ पक्राउ गरेकाे हाे । धरान स्थित वडा प्रहरी कार्यालय धरानबाट खटिएको प्रहरी टोलीले सुनसरीको धरान उप-महानगरपालिका-९मा बस्दै आएका ३० बर्षीय विजय साह, सहित ४ जना नियन्त्रणामा लिएकाे छ । उनिहरूकाे साथवाट
SPASMO PROXYVON -८० ट्याब्लेट, ट्रामाडोल १ हजार ४ सय ४० क्याप्सुल, NITRAZEPAM ७५ ट्याब्लेटर ESKUF ७ बोतल फेला परेकाे धरान प्रहरीले जनाएकाे छ । अस्थायी प्रहरी चौकी रेल्वेको प्रहरी टोलीले धरान-११ बाट २२ बर्षीय संजिव सुनुवार र १९ बर्षीय सविन परियारलाई TRAMOL-50 लेखिएको ४ सय ६० क्याप्सुल, स्पास्पेन ४ सय ६९ ट्याब्लेट सहित नियन्त्रणमा लिएको हो भने लागुऔषध ब्राउनसुगर २ ग्राम ८९ मिलिग्राम सहित धरान-५ का २६ बर्षीय दिवेश रम्तेल, सुनसरीको भोक्राहा नरसिंह गाउँपालिका-५ का २६ बर्षीय रहिस मन्सुरी र सुनसरीको ईटहरी उप-महानगरपालिका-५ का ३२ बर्षीय सनम शेर्पालाई इलाका प्रहरी कार्यालय लौकहीको प्रहरी टोलीले पक्राउ गरेका हुन् । सुनसरीको अस्थायी प्रहरी पोष्ट जोरसखुवाको प्रहरी टोलीले धरान-१५ का एक बालकलाई COLIBAN ८ सय ५, क्याप्सुल र TRAMADOL ८ सय ५ क्याप्सुल सहित नियन्त्रणमा लिएको हो । इलाका प्रहरी कार्यालय उर्लावारीकाे टाेलीले उर्लावारी नगरपालिका-५ स्थितबाट १९ बर्षीय सुजन शिवालाई ट्रामाडोल १ सय ६०ट्याब्लेट, स्पाष्मिड १ सय ६० क्याप्सुल सहित नियन्त्रणमा लिए काे तथा पथरी शनिश्चरे नगरपालिका-२ का २९ बर्षीय सुमन गुरुङलाई ट्रामाडोल १ हजार १६ ट्याब्लेट र स्पाष्मिड ९ सय ८० क्याप्सुल सहित पक्राउ गरेको काेशी प्रदेश प्रहरी कार्यालय विराटनगरले जनाएकाे छ ।
_1664681437_1741325184.jpg "sagurigadi")
