अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) भक्तपुर जिल्ला कमिटीले नेकपा एमाले भक्तपुरको पार्टी कार्यालय निर्माणको लागि पचास हजार रुपैयाँ रकम सहयोग गरेको छ।
२०८१ कात्तिक १७ गते पार्टी कार्यालय निर्माणको लागि रकम संकलन तथा शुभकामना आदान प्रदान को उद्देश्यले नेकपा एमाले जिल्ला कमिटी भक्तपुरले आयोजना गरेको शुभकामना आदान प्रदान तथा देउसी भैलो कार्यक्रममा अनेरास्ववियु जिल्ला कमिटी अध्यक्ष सतिस दाहालले नेकपा एमाले भक्तपुर जिल्ला कमिटी अध्यक्ष बच्चन देउजालाई रकमको चेक हस्तान्तरण गरेका हुन्।
अनेरास्ववियु जिल्ला कमिटीले कार्तिक १५ गते गरेको देउसी भैलो कार्यक्रमबाट संकलित रकम तथा संगठन सँग रहेको मौज्दात रकम गरि जम्मा पचास हजार रुपैयाँ सहयोग गरेको हो। त्यसका साथै पार्टी कार्यालय निर्माणको लागि अनेरास्ववियुले 'श्रमदान महाअभियान' समेत सञ्चालन गर्ने र हरेक अखिलका सदस्यले २ दिन श्रमदान गर्ने समेत घोषणा गरेको छ।
