धरानः कोशी पहाडी जिल्लावाट जल मार्ग हुदै हुने गाँजा लगाएतका लागु औषध कारोवार नियन्त्रणको लागी गोली चलाउन समेत चार जिल्लाका सुरक्षा प्रमुखहरुले समहत भएका छन् । सुनसरी,धनकुटा,उदयपुर र भोजपुरका सुरक्षा प्रमुखहरुको सोमबार धनकुटाको भेडेटारमा भएको अन्तर जिल्ला सुरक्षा समन्वय बैठकमा चारै जिल्लाका सुरक्षा प्रमुखहरु सहमत भएका हुन् । जलमार्ग पुर्ण रुपमा निषेध गरिएको भए पनि रातीको समयमा सप्तकोशी नदिमा धनकुटा , उदयपुर र भोजपुरवाट जलमार्गको प्रयोग हुने गरेको र सुनसरी वाट अन्य लागु औषध पहाडी जिल्ला जाने गरेका कारण यसको रोकथाम तथा निन्त्रण गर्न सहकार्य गर्ने निर्णय समेत भएको सुनसरीका प्रमुख जिल्ला अधिकारी रामचन्द्र तिवारीले जानकारी दिए । सप्तकोशीवाट वाँसका चेफा तथा ट्युवहरु प्रयोग गरेर लागू औषधको ओसार पसार हुने गरेकोले त्यसलाई रोक्न सुरक्षाकर्मीेले अधिकतम वल प्रयोग गरेर भए पनि नियन्त्रण गर्ने उनको भनाई थियो । वैठकले लागूऔषध कारोबारीले जलमार्गबाट तस्करी बढाएपछि सुरक्षाकर्मीलाई अधिकतम बल प्रयोग गरी नियन्त्रण गर्न अनुमति दिने निर्णय समेत गरेको उनले जानकारी दिए । 
जिल्ला प्रशासन कार्यलय सुनसरीको आयोजनामा भएको वैठकले लागु औषध सहित अपराधिक क्रियाकलाप निन्त्रणमा समेत सुचना आदन प्रदान तथा समन्वय गर्ने निर्णय गरेको छ । चारै जिल्लाका प्रमुख जिल्ला अधिकारी , नेपाल प्रहरी र शसस्त्र प्रहरी प्रमुख तथा राष्ट्रिय अनुसन्धानका प्रमुखहरुको सहभागिता रहेको थियो । वैठकामा कोशी प्रदेश प्रहरी कार्यलय विराटनगरका प्रमुख डिआइजी चन्द्र कुवेर खापुङ, सशस्त्र प्रहरी बल एक नम्बर बराह बाहिनीका प्रमुख डिआइजि शम्भु सुवेदीको पनि उपस्थिती रहेको थियो । समन्वय बैठकले अन्तर जिल्ला सुरक्षालाई प्रभावकारी बनाई समन्वयात्मक ढंगले अगाडी बढ्ने र ग्रैह्रकानूनी क्रियाकलापहरुलाई चार वटै जिल्लाहरुको समन्वयमा प्रभावकारी रुपमा नियन्त्रण गर्ने निर्णय समेत गरेको छ ।
_1664681437_1741325184.jpg "sagurigadi")
